Hakayat e Falsafa حکایت فلسفہ اللہ کی عادت -ستائش اور الزام دونوں میں

-ستائش اور الزام دونوں میں شریک بنیں

صاحب تفہیم القرآن مولانا سید ابوالاعلی مودودی رحمتہ اللہ علیہ رسالہ ترجمان القرآن میں کئی دہائیوں تک لوگوں کے سوالوں کے جوابات دیتے رہے، ان کی فکری گتھیوں کو سلجھاتے رہے اور قرآن و سنت، فقہاء کے فتاویٰ اور بعض جدید مسائل میں اجتہاد کی مدد سے عامتہ الناس کی رہنمائی کا فریضہ سرانجام دیتے رہے۔

مؤرخ اسلام علامہ ابو جعفر محمد بن جریر طبری  کی یہ وہ شہرۂ آفاق کتاب ہے جو ایک ہزار سال سے زائد عرصے سے مسلمانوں کو ان کا ماضی یاد دلا رہی ہے۔ یہ مسلمانوں کی ہی نہیں، پوری انسانیت کی تاریخ ہے۔ اسی لیے اسے ’’تاریخ الرسل و الملوک‘‘ کے علاوہ ’’تاریخ الامم و الملوک‘‘ بھی کہا جاتا ہے، یعنی مخلتف اقوام و سلاطین کی تاریخ، لیکن عُرفِ عام میں یہ ’’تاریخ طبری‘‘ کے نام سے مشہور ہے۔ علامہ طبری نے اسے تاریخ کے ضروری مواد، تحریرات اور زبانی روایات سے جمع کیا تھا جن کی فراہمی کے لیے انہیں اسلامی دنیا کے علمی مراکز میں اپنی طویل سیر و سیاحت میں خاصے مواقع ملے۔ یہ عظیم الشان کتاب زمانے کے تھیٹروں سے بچ گئی۔ اس میں لغت، ادب، سیرت، تاریخ، احادیث، تاریخ خلفائے راشدین، تاریخ تفسیر و حدیث وغیرہ سب متفرق موضوعات جمع ہو گئے ہیں۔ اس کے علاوہ ان کتابوں کے اقتباسات بھی محفوظ ہو گئے ہیں جنہیں زمانے نے فنا کر دیا ہے۔ اُردو کا یہ ایڈیشن سات جلدوں پر مشتمل ہے۔ جلد اول میں کائنات کی تخلیق سے لے کر آنحضور صلی اللہ علیہ وسلم کی ولات تک، تمام حالات و کوائف سابقہ انبیائے کرام کے حوال ہر مشتمل ہے۔ جلد دوم سرور عالم صلی اللہ علیہ وسلم کی حیات طیبہ سے لے کر حضرت عمر فاروق رضی اللہ عنہ تک کے حالات مذکور ہیں۔ جلد سوم خلافت حضرت عمر فاروق رضی اللہ عنہ سے حضرت علی رضی اللہ عنہ تک، جلد چہارم حضرت حسن رضی اللہ عنہ تا خلیفہ سلیمان بن مالک، جلد پنجم حضرت عمر بن عبدالعزیز رحمۃ اللہ علیہ تا خلیفہ الہادی، جلد ششم خلیفہ ہارون الرشید تا واثق باللہ، جلد ہفتم خلیفہ المتوکل علی اللہ تا المقتدر باللہ کے مفصل حالات پر مشتمل ہے غرضیکہ تخلیق کائنات سے 302ھ / 923ء تک کے حالات پوری تفصیل اور جامعیت سے ’’تاریخ طبری‘‘ میں سما گئے ہیں۔ اس ایڈیشن کی ایک نمایاں خصوصیت 116 صفحات پر مشتمل پوری کتاب کا مفصل اشاریہ ہے جو آخری جلد میں شامل ہے۔

یہ کتاب مصنف نے 23 سال کی عمر میں لکھنی شروع کی تھی اور تین سال کی محنت شاقہ کے بعد اُنھوں نے اسے مکمل کیا۔ پہلی مرتبہ اس کی اشاعت 1930ءمیں دارلمصنّفین،اعظم گڑھ (یو ۔پی، انڈیا) سے ہوئی تھی۔جس وقت یہ منظر عام پر آئی توعلامہ اقبال مرحوم نے اسے دیکھ کر فرمایا کہ جہاد کے موضوع پر ایسی محقّقانہ اور غیر معذرت خواہانہ کتاب اُردو توکیا، دوسری کسی زبان میں بھی نہیں لکھی گئی۔ ابتدا اس کا محرک یہ ہوا تھا کہ 1926ءمیں جب سوامی شردھانند کے قتل پر سارے ہندستان میں ہنگامہ اُٹھ کھڑا ہوا اور اسلام پر چاروں طرف سے حملے ہونے لگے، تو ایک روز مولانا محمد علی جوہر مرحوم نے اپنی تقریر میں کہا کہ کاش کوئی بندۂ خدا اس وقت اسلامی جہاد پر ایسی کتاب لکھے جو مخالفین کے سارے اعتراضات والزامات کو رفع کر کے جہاد کی اصل حقیقت دنیا پر واضح کردے۔ مولانا سید ابوالاعلیٰ مودودی ؒ نے مولانا کی زبان سے یہ بات سن کر اپنے دل میں خیال کیا کہ وہ بندۂ خدا میں ہی کیوں نہ ہوں؟ چنانچہ اسی وقت اُنھوں نے یہ کام شروع کردیا۔اس کی تالیف میں جس وسیع پیمانے پر اُنھوں نے علمی تحقیقات اور ذہنی کاوش کی ہے، اس کا اندازہ کتاب کو پڑھنے والا ہر شخص خود کرسکتا ہے۔

فقہ عصر امام جعفر صادق میں

Hakayat e Falsafa حکایت فلسفہ اللہ کی عادت -ستائش اور الزام دونوں میں